Do Thawnga
(1940 – 2010)
Member of Parliament, 1990
Central Committee Member
National League for Democracy Party, Burma
Memorial Service
Los Angeles
April 11, 2010
ဦးဒိုထောင်းဂါ (၁၉၄၀ - ၂၀၁၀)
NLD ပြည်သူ့ လွှတ်တော်ကိုယ်စားလှယ်နှင့် ဗဟိုကော်မီတီဝင်
မနေ့ က ဒေါက်တာဆလိုင်းလော်မာရဲ့ ဖခင်၊ ကွယ်လွန်သူ ကလေးမြို့  NLD ပြည်သူ့ လွှတ်တော်ကိုယ်စားလှယ် ဦးဒိုထောင်းဂါ၏ အောက်မေ့ဖွယ်အခမ်းအနားကို မိမိသွားရောက်ခဲ့ပါတယ်။ အခမ်းအနားကို Los Angeles မြို့ အရှေ့ ဖက်အရပ်မှာရှိတဲ့ Alhambra မြို့ ရဲ့ Bethany ဘုရားကျောင်းမှာ ညနေ ၄ နာရီမှ ၆ နာရီထိ ကျင်းပခဲ့တာ ဖြစ်ပါတယ်။ အခမ်းအနားသွားဖို့ စိတ်စောနေတာနဲ့ ကားကလည်းရှင်းနေတာမို့ ၃ နာရီလောက်ရောက်သွား တော့ ဘယ်သူမှ မရှိသေးလို့ ယောင်လည်လည်လုပ်နေရပါတယ်။ တဖြည်းဖြည်းနဲ့ အစားအသောက်များ စတင် ရောက်ရှိလာပါတယ်။ လော်မာရဲ့ ဆွေမျိုးများ၊ ချင်းအမျိုးသား မိတ်ဆွေများ၊ သွားဖက်ဆိုင်ရာဆရာဝန်များ၊ အခြားရင်းနှီးသောမိတ်ဆွေများ၊ နိုင်ငံရေးအသိုင်းအ၀ိုင်းမှ မိတ်ဆွေများ စုစုပေါင်း ၁၀၀ ကျော်တက်ရောက်ခဲ့ ကြပါတယ်။
အောက်မေ့ဖွယ်အခမ်းအနားကျင်းပမယ်လို့ email ရတော့ လော်မာကို ဖုန်းဆက်ပြီး ဘာတွေကူညီရမလဲလို့  မေးပါ တယ်။ သူက “ဘာမှ မလိုဘူး၊ လူသာလာခဲ့ပါ” လို့ ပြောသော်လည်း အသေအချာမေးကြည့်တော့မှ ကွယ်လွန်သူ သူ့ ဖခင်ရဲ့ ဓါတ်ပုံကို ပုံကြီးချဲ့ ဖို့  မလုပ်ရသေးဘူးလို့ သိရတော့ အဲဒါကို ကုသိုလ်ပြုဖို့ ကမ်းလှမ်း တာကို လော်မာက သဘောတူလက်ခံခဲ့ပါတယ်။ တဆက်တည်းမှာပဲ ကွယ်လွန်သူကို ဂုဏ်ပြုတဲ့အနေနဲ့ ပင်နီ အင်္ကျီဝတ်လာဖို့ နဲ့ NLD အလံကိုပါ ယူလာဖို့ ဆွေးနွေးတိုင်ပင်ခဲ့ကြပါတယ်။ တကယ်တော့ ကျနော့်ဘ၀တသက်တာမှာ ပင်နီတိုက်ပုံကို ဒီအခမ်းအနားနဲ့ ဆိုရင် ၀တ်ဖူးတာနှစ်ကြိမ်ပဲ ရှိပါသေးတယ်။ ပထမတခါက ကွယ်လွန်သူ နော်လူဝီဇာရဲ့ အောက်မေ့ဖွယ်အခမ်းအနားမှာဖြစ်ပါတယ်။ ပင်နီတိုက်ပုံဝတ်ရတာ အဆင်ပြေပေမဲ့ အင်္ကျီနဲ့ လုံချည်ကိုဝတ်တာကို မမြင်ဘူးတဲ့ မြန်မာမဟုတ်တဲ့ (နိုင်ငံခြားသားတွေ) သူတွေက လာပြီးမေးကြ၊ ကလေးတွေက ပြုံးစိစိနဲ့ ကြည့်ကြတော့ ကျနော့်မှာ စိတ်မသက်မသာ ဖြစ်မိပါတယ်။ ဒါပေမဲ့ ဦးဒိုထောင်းကို ဂုဏ်ပြုဖို့ ဆိုတဲ့ အသိက အဲဒီ့ စိတ်မသက်မသာဖြစ်မှုတွေကို လွယ်လွယ်နဲ့ ချိုးနှိမ်ပေးခဲ့ပါတယ်။ ဟုတ်ပါတယ်။ မိမိ ဦးဒိုထောင်းကို ဂုဏ်ပြုဖို့ အဲဒီ အခမ်းအနား ကို သွားရောက်ခဲ့တာ ဖြစ်ပါတယ်။
မိမိနှင့်ဆလိုင်းလော်မာ ဦးဒိုထောင်းဂါအား ဦးညွှတ် ဂါဝရပြုနေစဉ်ဦးဒိုထောင်းရဲ့မိသားစုတွေထဲမှာ ပထမ စပြီးရင်းနှီးတာ လော်မာ မဟုတ်ပါဘူး။ သူ့ အကို ဆလိုင်း ရိုဒိန်း ဖြစ်ပါ တယ်။ မိမိ ၁၉၈၄ မှ ၁၉၈၈ ထိ ရေဆင်းတက္ကသိုလ်မှာ တိမွေးကုပညာ ဆည်းပူးနေစဉ် ရိုဒိန်းနဲ့ ဆုံခဲ့တာ ဖြစ်ပါတယ်။ မိမိတို့  ရန်ကုန်ကနေ ပျဉ်းမနား (ရေဆင်း) ကိုကျောင်းသွားတက်သူတွေဟာ နယ်လာတဲ့သူတွေရဲ့ အတွေ့ အကြုံနဲ့ ရင်းနှီးမှု ကို လိုချင်လို့  နယ်ကလာတက်သူတွေနဲ့ အခန်းဖော်လုပ်လေ့ရှိပါတယ်။ မိမိ အခန်းဖော်က ချင်းအမျိူးသားတဦးဖြစ်သူ ဆလိုင်း တန်ဒါးလျံဖြစ်ပါတယ်။ သူ့ ကို အဆောင်မှာ ချစ်စနိုးနဲ့ ဒါးကြီးလို့ ခေါ်ပြီး သူ့ ဆီကို ရိုဒိန်းက အမြဲလာလယ်တတ်ပါတယ်။ ရိုဒိန်းဟာ ဂီတာတီးကောင်းသူတဦးဖြစ်ပြီး မိမိနဲ့ မကြာခင်မှာပဲ အဖွဲ့ ကျသွားပါတယ်။ ၈ လေးလုံးအရေးအခင်းဖြစ်ပြီးနောက် မိမိလည်း ထိုင်းမြန်မာ နယ်စပ်ကို ရောက်သွားပြီး ပြည်တွင်းနဲ့ အဆက်အသွယ် ပြတ်တောက်သွားပါတယ်။ အမေရိကားရောက်လို့ လော်မာနဲ့ တွေ့ မှ သူ့ အကို ရိုဒိန်းတယောက် အိန္ဒိယနယ်စပ် အခြေစိုက် NLD ပါတီမှာ ခေါင်းဆောင်ပိုင်း တာဝန် ထမ်းဆောင်နေတယ်လို့ သိရလို့ အံ့သြ၀မ်းသာမိပါတယ်။ ရိုဒိန်းဟာ အေးဆေးတည်ငြိမ်သူ ဖြစ်ပြီး စကားနည်းလို့ NLD မှာ အံဝင်ပါ့ မလားလို့ လဲ မဆီမဆိုင် တွေးပူမိပါတယ်။ ဒါပေမဲ့ ရိုဒိန်းလို ရိုးသားကြိုးစားတဲ့ သူတဦး နိုင်ငံရေးနယ်ပယ်မှာ ရှိ နေတာကို ၀မ်းသာကြည်နူး ဂုဏ်ယူမိပါတယ်။
ဦးဒိုထောင်းဟာ သူ့ ရဲ့ နိုင်ငံရေးခံယူချက်ကြောင့် ထောင်နှစ်ခါ ကျခဲ့ပါတယ်။ ပထမတခါက မြန်မာ့ဆိုရှယ်လစ် ပါတီကို ဝေဖန်မိလို့ ၁၉၇၂ မှ ၁၉၇၄ အထိ မြင်းခြံထောင်မှာ အကျဉ်းကျ ခံခဲ့ရပါတယ်။ NLD အမတ်ဖြစ်လာပြီး နောက် နိုင်ငံခြားက စာအုပ်များကိုတွေ့ ရှိတယ်ဆိုပြီး မတရားတဲ့ဥပဒေတွေနဲ့ တရားစွဲကာ ၁၉၉၆ မှ ၂၀၀၃ အထိ မန္တလေးအိုးဖိုထောင်မှာ ဒုတိယအကြိမ် ထောင်သွင်းအကျဉ်းကျခြင်း ခံခဲ့ရပါတယ်။ မိမိအနေနဲ့  ဦးဒိုထောင်းကဲ့သို့ ကိုယ်ကျိုးစွန့်  အနစ်နာခံပြီး အများကောင်းကျိုးကိုလုပ်ခဲ့တဲ့သူတွေ ကွယ်လွန်သွားတဲ့ အခါ ပြောဖို့  စကားနှစ်ခွန်း ရင်ထဲမှာ အမြဲရှိပါ တယ်။ အဲဒါက… “ဘယ်တော့မှ မမေ့ဘူး” ဆိုတာနဲ့ “ကျေးဇူး တင်ပါတယ်” ဆိုတာ ပါပဲ။ သူတို့ ဟာ လူသာမန်တွေ မဟုတ်ပါဘူး။ လူသေသော်လည်း နာမည်မသေသော သူရဲကောင်းများ ဖြစ်ပါတယ်။ ဒီနေ့ အခမ်းအနားမှာ ခင်မင်ရတဲ့ သူငယ်ချင်းမိတ်ဆွေများလည်းဖြစ်၊ နိုင်ငံရေး လုပ်ဖော်ကိုင်ဖက်များလည်းဖြစ်တဲ့ ညီအကိုနှစ်ဦးရဲ့ဖခင်… NLD ပါတီ ခေါင်းဆောင်တဦးရဲ့ အောက်မေ့ဖွယ် အခမ်းအနားကို တက်ရောက်ကူညီရတာကိုက အလွန်ပဲ ကြည်နူး ဂုဏ်ယူ မိပါတယ်။
ဦးဒိုထောင်းဟာ စိတ်ဓါတ်ကြံ့ခိုင်ပြီး ဆုံးဖြတ်ချက် ပြတ်သားသူတဦးဖြစ်ပါတယ်။ လော်မာဆီကတဆင့် သူတို့ နေတဲ့ ချင်းပြည်ကအိမ်မှာ NLD ဆိုင်းဘုတ်ကို အခုထိ မဖြုတ်သေးဘူးလို့ သိရတော့ ဦးဒိုထောင်းဟာ ဘယ်တော့မှ ဒူးထောက် အညံ့ခံမဲ့သူ၊ နောက်ဆုတ်အရှုံးပေးမဲ့သူ မဟုတ်ဘူး ဆိုတာကို သိလိုက်ရပါတယ်။ ဒေါ်စုကလည်းသူ့ ကို “သတ္တိခဲ” လို့ နာမည်ပေးခဲ့ပါတယ်။ ဦးဒိုထောင်းဟာ ကျန်းမာရေး တဖြည်းဖြည်း ချို့ ယွင်းလာပြီး နေထိုင်မကောင်း သော်လည်း NLD ပါတီဟာ ၂၀၁၀ ရွေးကောက်ပွဲကို မ၀င်သင့်ဘူး ဆိုတဲ့ အယူအဆကို အခိုင်အမာ ကိုင်စွဲ ထားသူတဦးဖြစ်ပြီး နောက်ဆုံး သေကာနီးအထိ အစည်းအဝေးတွေခေါ်ကာ ရွေးကောက်ပွဲမ၀င်ဖို့ အတွက် ဆွေးနွေးတိုင်ပင်ခဲ့ပါတယ်။ ဒုတိယအကြိမ်ဆေးရုံကဆင်းပြီးနောက် ရွေးကောက်ပွဲကိစ္စကို ဆေးသွင်းတန်းလန်း ဖြင့် အစည်းအဝေးလုပ်နေစဉ် အတွင်းမှာပဲ သူချစ်တဲ့မိသားစုနဲ့ တိုင်းပြည်ကို စွန့် ခွာသွားတာ ဖြစ်ပါတယ်။
ဦးဒိုထောင်းဟာ နောက်ဆုံးထွက်သက် ထွက်သည်အထိ တိုင်းပြည်အပေါ်မှာ တာဝန်ကျေသွားသူတဦး ဖြစ်ပါ တယ်။ သူသာ ယနေ့ ထိ အသက်ရှင်နေဦးမယ်ဆိုရင်...
သူကြုံးဝါးနေမှာက “ဒေါ်အောင်ဆန်းစုကြည်နဲ့ အတူ ရပ်တည်မယ်” ဆိုတာပဲ ဖြစ်ပါလိမ့်မယ်။ သွားလေသူ ဦးဒိုထောင်းရဲ့ ဆန္ဒကို ပြည့်ဝအောင် ဖော်ဆောင်ပေးဖို့ … နိုင်ငံရေး အကြပ်အတည်းထဲကိုရောက်နေတဲ့ (မြန်မာပြည်သူများသာမက ကမ္ဘာကပါ လေးစားရတဲ့) ဒေါ်စုကို အားပေးထောက်ခံဖို့ နဲ့  … အခုအချိန်ထိ ဖိနှိပ်မှုတွေကြားက ဆက်လက်ရုန်းကန်တိုက်ပွဲဝင်နေကြတဲ့ မြန်မာပြည်သူပြည်သားများကို ၀ိုင်းရံ အားပေးဖို့ …အတွက် မိမိတို့ အားလုံး… တတ်နိုင်တဲ့ထောင့်တထောင့် တနေရာရာမှ တတပ်တအား ၀ိုင်းဝန်း လုပ်ဆောင်ကြပါလို့  အလေးအနက် တိုက်တွန်းနှိုးဆော်လိုက်ပါတယ်။
ဦးဒိုထောင်းဂါ ကောင်းမွန်ရာ ဘုံဘ၀ကို ရောက်ပါစေ။
မတရားသော ၂၀၁၀ ရွေးကောက်ပွဲ ကျဆုံးပါစေ။
We believe Daw Suu and stand with her. Period.
ဒေါင်းဂွင်
Los Angeles
ဖတ်ကြည့်ချင်သေးလား....
ပြန်ခေါက်ထားခဲ့လေ....
Three Pagoda Pass, Mon State (1990) after military offensive
